Okumala ebbanga ddene, abasinga baali bamanyi nti akabbiro k'abayanja Nnyonyi nyange. Naye oluvanyuma kyakkaanyizibwako nti akabbiro k'abayanja Mawowoolo.
Waliwo enjawulo wakati w'amawuggwe n'amawowoolo; amawuggwe gabeera gaamuntu ate go amawowoolo gaba gansolo.

"Ekifa ennyanja; omuvubi y'abika, olukka ennyanja nga n'enkanga, otta ento Kabaka n'atalya maluma. Gutujja, omutima gutujja, bwegukutujjira ow'omukwano ozuukuka mu kawozamasiga." Omubala guno agukuba ayitibwa Kawuula era nga gukubibwa ku mikolo gy'ekika egy'enjawulo gamba okwabya olumbe,n'emirala.

Tulina emirimu ebiri mu Lubiri ewa Ssaabasajja Kabaka. Ffe tuvubira Kabaka ebyennyanja era nga omubala bwe gugamba. Ate era ffe tuvunanyizibwa ku mulyango Kalaala ogusangibwa ku lubiri e Mengo.